ملک کے بیشتر شہروں میں آج موسم سرد اورخشک رہے گا۔
محکمہ موسمیات کے مطابق آج اسلام آباد سمیت صوبہ پنجاب کے بیشتر اضلاع میں موسم سرد اور خشک رہنے کا امکان ہے۔
محکمہ موسمیات نے بتایا کہ صوبہ خیبرپختونخواہ کے بیشتراضلاع میں بھی موسم شدید سرد اور خشک رہے گا تاہم پشاور ، چارسدہ ، نوشہرہ ،صوابی اور گردونواح میں رات اور صبح کے اوقات میں دھند چھائے رہنےکا امکان۔
محکمہ موسمیات نے مزید بتایا کہ بلوچستان کے بیشتر اضلاع میں آج موسم سرد اورخشک جبکہ شمالی بلوچستان میں شدید سرد رہے گا۔تازہ ترین اپڈیٹ کے مطابق صوبہ سندھ کے بیشتر اضلاع میں بھی آج موسم خشک اور سرد رہے گا تاہم سکھر،لاڑکانہ اورجیکب آباد میں رات اور صبح کے اوقات میں دھند کی توقع ہے۔ دوسری جانب کشمیر اور گلگت بلتستان میں مطلع جزوی ابر آلو د اور موسم شدید سرد رہنے کا امکان ہے۔
واضح رہے کہ آج ریکارڈ کیے گئے کم ازکم درجہ حرارت میں لہہ ، کالام منفی11، گوپس منفی07، اسکردومنفی06، استور، اننت ناگ منفی05، مالم جبہ، پاراچنارمنفی04، بگروٹ، ہنزہ منفی03،کوئٹہ،قلات، گلگت، دیر ، شوپیاں منفی02، پلوامہ ، بارہ مولہ اورراولاکوٹ میں منفی01ڈگری سینٹی گریڈ ریکارڈ کیا گیا ہے۔
