لاہور ( سپورٹس رپورٹر) قومی کرکٹ ٹیم کے فاسٹ بالر حارث رئوف بنگلہ دیش پریمیئر لیگ کو چھوڑ کر پی ایس ایل کھیلنے کیلئے وطن واپس پہنچ گئے ۔حارث رئوف نے جہاز سے تصویر اپلوڈ کرتے ہوئے لکھا کہ بلا آخر وہ گھر واپس آرہے ہیں۔پی ایس ایل کیلئے تیاریاں شروع کردی ہیں۔بی پی ایل میں اپنی ٹیم رنگپور رائیڈرز کو ٹیگ کرتے ہوئے لکھا کہ لیگ کھیل کر بہت خوشی محسوس کررہا ہوں، ایک حیرت انگیز ٹیم کا حصہ بننے پر مطمئن ہوں۔حارث رئوف نے پیار اور ٹیم کی جانب سے تعریف پر ان کا شکریہ بھی ادا کیا۔