چولستان جیپ ریلی : پری پیڈ کیٹیگری میں زین محمود نے میدان مار لیا

لاہور(سپورٹس رپورٹر) 18 ویں چولستان جیپ ریلی کے کوالیفائنگ راؤنڈ کی پری پیڈ کیٹیگری میں زین محمود نے میدان مار لیا۔18 ویں چولستان جیپ ریلی کے کوالیفائنگ راؤنڈ میں زین محمود نے 3 کلومیٹر کا ٹریک 1 منٹ 22.07 سیکنڈ میں مکمل کیا،  میر نادر مگسی نے فاصلہ 1 منٹ 83.07 سیکنڈ میں طے کیا۔صاحبزادہ سلطان نے 3 کلومیٹر کا ٹریک 1 منٹ 25.09 سیکنڈ میں مکمل کیا ، سٹاک کیٹیگری میں حسن علی مگسی فاتح قرار پائے ، حسن علی مگسی نے 3 کلومیٹر کا ٹریک 1 منٹ 19.14 سیکنڈ میں مکمل کیا۔خواتین کیٹیگریز میں اسلام آباد کی رباب حیات کامیاب قرار پائیں ، رباب حیات نے 3 کلومیٹر کا ٹریک 1 منٹ 98.31 سیکنڈ میں طے کیا۔