جرنلسٹ گولڈن ایوارڈ تقریب،شیلڈز،میڈلزتقسیم،مقصد حوصلہ افزائی ہے:ایم اے فرید 

لاہور(نامہ نگار)شاہدرہ میں نجی ہال میں پہلے سالانہ آل پنجاب جے ایف پی سی جرنلسٹ گولڈن ایوارڈ شو کا انعقاد کیا گیا۔اس موقع پر صحافیوں سمیت دیگر شعبوں میں بہترین خدمات سرانجام دینے والے افراد کی حوصلہ افزائی اور ان کی خدمات کو خراج تحسین پیش کرنے کیلئے انہیں ایوارڈ،شیلڈز اور میڈلز دئیے گئے۔تقریب کا اہتمام ایم اے فرید نے کیا تھا جبکہ اس موقع پر لاہور پریس کے صدر اعظم چوہدری، سینئر کالمسٹ اوریا مقبول جان،عرفان اطہر قاضی،ایثار رانا،احسان شوکت، سلمان قریشی،انور مقصود،چیئرمین پی ایچ اے سید یاسر گیلانی، سید آصف ہاشمی،اعجاز حسین بھٹی،بوبی گجر، صفدر شاہین،اسلام غازی، شہباز خان، ندیم سندھو سمیت پنجاب بھر کے پریس کلبزکے صدور، سیکرٹریز سمیت سینئر صحافیوں اور اہم سیاسی وسماجی شخصیات کی کثیر تعداد نے شرکت کی۔چیف آرگنائز و صدر جرنلسٹ پریس کلب ایم اے فرید نے کہا کہ میرا اولین مقصد شروع دن سے مثبت صحافت کے فروغ ساتھ ساتھ ایسے تمام افراد افراد کی حوصلہ افزائی کرنا ہے جو معاشرے کی بہتری اور انسانیت کی خدمت کے ساتھ ساتھ اپنے پروفیشن کے ساتھ مخلص ہو کر و ایمانداری سے کام کر رہے ہیں۔ شاندار اور تاریخی ایونٹ میں گولڈن ایوارڈ سے نوازے جانے پرایم اے فرید کو زبردست خراج تحسین پیش کیا۔