لاہور (سپورٹس رپورٹر) پاکستان کرکٹ ٹیم کے آل رائونڈر شاداب خان دلہن گھر لے آئے۔سوشل میڈیا پر وائرل ہونے والی ویڈیو میں دیکھا جاسکتا ہے کہ شاداب خان کی بارات آنے پر ان کے سسر اور سابق کرکٹر ثقلین مشتاق نے ان کا استقبال کیا۔ شاداب خان کے ولیمے کی تقریب آج اسلام آباد میں ہوگی۔ مہمانوں کی فہرست میں کرکٹرز اور مشہور شخصیات شامل ہیں۔ان کی شریک حیات سابق ہیڈ کوچ ثقلین مشتاق کی صاحبزادی ہیں۔شاداب خان نے دولہا بننے کے بعد اپنی تصاویر شیئر کیں اور اللہ کا شکر ادا کرتے ہوئے لکھا کہ میری بارات ہے، جو میرے اور اہل خانہ کیلئے شاندار دن ہے۔مجھے امید ہے کہ میں اپنی اہلیہ کیلئے ایک اچھا شوہر ثابت ہوں گا۔ اسی کیساتھ شاداب خان نے اہل خانہ کی پرائیوسی کا خیال رکھنے پر تمام لوگوں کا دل کی گہرائیوں سے شکریہ بھی ادا کیا۔