نارنگ منڈی (اعظم علی باجوہ) خرم گلفام پارک کھنڈر میں تبدیل لاکھوں روپے مالیت کے جھولے اور کرسیاں غائب زمین سے گھاس بھی ختم کر دی گئی تفصیلات کے مطابق مسلم لیگ ن کے سابق دور حکومت میں شہر کے وسط میں کوڑے کے ڈھیروں کو ختم کر کے لاکھوں روپے مالیت سے بنایا جانے والا خرم گلفام پارک انتظامیہ کی غفلت اورعدم توجہ سے خالی پلاٹ میں تبدیل ہو چکا ہے پارک کے اردگرد لگائے کے جنگلے لوہے کی جالیاں‘ بچوں کیلئے لگائے گئے جھولے اور کرسیاں اتار کر غائب کردئیے گئے ہیں یہاں تک کہ پودے اور زمین پر لگا گھاس بھی ختم ہوچکاہے دن بدن پارک کی بگڑتی شکل و صورت انتظامیہ کی نااہلی کا منہ بولتاثبوت ہے۔