شیخوپورہ(نمائندہ نوائے وقت)پرزنرز ویلفیئر سوسائٹی ڈسٹرکٹ جیل شیخوپورہ کے الیکشن کے سلسلہ میں ممبرشپ کا آغاز کردیا گیاہے یہ سلسلہ 10 تا 25 فروری 2023 تک جاری رہے گا پرزنرز ویلفیئر سوسائٹی کا مقصد خواتین کی بہبود، کم عمر خطاکاروں کی بہبود اور جیل سے رہا ہونے والے افراد کی بحالی ہے، رکنیت کے حصول و الیکشن میں حصہ لینے کی اہلیت ذہنی توازن درست ہونا،عمر اٹھارہ سال سے زیادہ، اچھے اخلاق و کردار کا مالک ہو نا، ادارہ ہذا کے اغراض و مقاصد و دستور سے متفق ہونا، چندہ رکنیت ادا کرنے کا پابند اور کسی طرح کے سیاسی و تخریبی مقاصد نہ رکھنے کا حامل ہونا مقرر کی گئی۔