الیکشن میں عوام ظلم کے نظام کوزمین بوس کر دیں گے:محمد احمد چٹھہ

علی پورچٹھہ(نامہ نگار)جامکے چٹھہ سے براستہ رسولنگر علی پور چٹھہ پی ٹی آئی کے زیر اہتمام پی پی 52کے امیدوار چوہدری احمد چٹھہ کی قیادت میں مہنگائی مکائو،الیکشن کرائو،ملک بچائوریلی نکالی گئی  جس میںعلاقہ بھر سے کثیر تعدد میں لوگوں نے شرکت کی جس سے خطاب کرتے ہوئے چوہدری محمد احمد چٹھہ نے کہا کہ ن لیگ نے حکومت حاصل کرتے ہی اپنے کیسز کو ختم کرکے بجلی، پٹرولیم مصنوعات،گیس،ادویات،اشیائے خورونوش  کی قیمتوںمیں 100فیصد تک اضافہ کردیا جس نے غریب کو فاقوں پر مجبور کر دیا  تحریک انصاف کے رہنمائوں ورکروں پر بے جا مقدمات اور انتقامی کارروائیاں ہمارے حوصلوں کو متزلزل نہیں کر سکتیں اس ظلم کے نظام کو آنے والے الیکشن میں عوام زمین بوس کر دیں گے۔ملکی بحرانوں کا واحد حل الیکشن کرائو ملک بچائو ہے ۔اس موقع پرپی ٹی آئی راہنما شیخ احتشام اقبال،رانامستنصر حسین ایڈووکیٹ،وقار چٹھہ،مظفر حسین چٹھہ،سعید احمد بٹ،شوکت زمان چٹھہ و دیگر رہنمائوں نے شرکت کی۔