ملتان ( سپیشل رپورٹر‘ نمائندگان)این اے 148 ملتان ون سے پیپلزپارٹی کے امیدوارسید یوسف رضا گیلانی 67326 ووٹ لیکرکامیاب قرار پائے جبکہ تحریک انصاف کے حمایت یافتہ آزاد امیدوارتیمورالطاف ملک 67033 ووٹ لیکر دوسرے نمبر پر رہے ۔ این اے 151 ملتان میں پیپلزپارٹی کے امیدوارسید علی موسی گیلانی 79080 ووٹ لیکرکامیاب قرار پائے جبکہ تحریک انصاف کی حمایت یافتہ مہربانو قریشی 71649 ووٹ لیکر دوسرے نمبر پر رہی۔ این اے 152سے عبدالقادرگیلانی 96998 ووٹ لیکر کامیاب قرار پائے جبکہ مسلم لیگ ن کے سید جاوید علی شاہ 71259 ووٹ لیکر دوسرے نمبر پر رہے ۔  پی پی 213 سے پیپلز پارٹی کے مرکزی رہنما سابق وزیراعظم سید یوسف رضا گیلانی کے بیٹے سید علی حیدر گیلانی نے 42404 ووٹ حاصل کیے۔ ان کے مد مقابل پی ٹی ائی کے حمایت یافتہ آزاد امیدوار حارث جاوید نے 33345 جبکہ مسلم لیگ ن کے شوکت بوسن نے 32465 ووٹ حاصل کیے۔