لاہور(نامہ نگار)شہر کے مختلف علاقوں میں ڈاکوئوں اورچوروں نے ڈکیتی اور چوری کی متعدد وارداتوں میں شہریوں سے لاکھوں روپے مالیت کی نقدی، زیورات، موبائل فون، موٹر سائیکلیں ،گاڑیاںدیگرسامان لوٹ لیا ۔ ڈاکوؤں نے نواب ٹاؤن میں نبیل کے گھر میں گھس کر اہلخانہ کو گن پوائنٹ پر یرغمال بناکر ساڑھے 5لاکھ ‘زیوارات، موبائل فون دیگر سامان،شاہدرہ ٹاؤن میں عابد کی فیملی سے 3 لاکھ 66ہزار‘زیوارت ‘ موبائل فون‘شمالی چھاؤنی میں واجد سے 3 لاکھ 15 ہزار‘ موبائل فون، مصطفی آباد میں سلیم سے 2 لاکھ 10 ہزار ‘ موبائل فون، راوی روڈ میں ادریس سے ڈیڑھ لاکھ ‘ موبائل فون،شفیق آباد میں بلال سے ایک لاکھ 30 ہزار‘ موبائل فون، راوی روڈمیں الیاس سے45 ہزار ‘ موبائل فون، داتا دربار میں وسیم سے20 ہزار ‘ موبائل فون لوٹ لیا اورفرارہوگئے ۔ چوروں نے برکی، ریس کورس، ڈیفنس ‘مانگا منڈی سے 4کاریں جبکہ سمن آباد، یکی گیٹ، نصیر آباد، غالب مارکیٹ، فیکٹری ایریا، پرانی انارکلی، نولکھا، اسلام پورہ اور گرین ٹاؤن کے علاقوں سے 9موٹر سائیکل چوری کر لئے۔