سکیورٹی ذرائع کے مطابق ڈرون طیارے نے شمالی وزیرستان کی تحصیل میر علی کے علاقے نتاسی میں حملہ کیا۔ ڈرون حملے میں ایک گھر کو نشانہ بنایا گیا جس پر چار میزائل داغے گئے۔ حملے میں تین افراد جاں بحق اور دو زخمی ہوگئے جبکہ گھربھی مکمل طور پر تباہ ہوگیا۔علاقے میں جاسوس طیاروں کی پروازیں جاری رہیں جس کہ وجہ سے امدادی کارروائیوں میں مشکلات کا سامنا رہا ۔میزائل حملے کے بعد علاقے میں شدید خوف وہراس پایا جاتا ہے۔