سہراب گوٹھ میں نامعلوم افراد نے ہوٹل پر فائرنگ کر کے سات افراد کو ہلاک کردیا۔ مقتولین کی تاحال شناخت نہیں ہوسکی۔ نارتھ کراچی میں نامعلوم موٹر سائکل سواروں نے فائرنگ کرکے محمد علی اور عبدالولی نامی نوجوانوں کو ہلاک کردیا۔ کورنگی سنگرچورنگی اور گلبہار میں نامعلوم افراد کی فائرنگ سے دو افراد ہلاک ہوئے۔ گلبرک ٹاؤن میں نامعلوم افراد کی فائرنگ سے اظہر نامی شخص زخمی ہوا، تاہم وہ عباسی شہید اسپتال میں زخموں کی تاب نہ لاتے ہوئے دم توڑ گیا۔ آئی سی آئی پل کے قریب نالے سے پینتیس سالہ شخص کی ہاتھ پاؤں بندھی لاش برآمد ہوئی ہے۔ پولیس کے مطابق مقتول کو گولیاں مار کر ہلاک کیا گیا۔ گلشن اقبال بلاک پانچ میں شہریوں نے ڈکیتی کی واردات ناکام بنا دی، دو طرفہ فائرنگ کے بعد دو ڈاکو ہلاک ہوگئے۔ جامع کلاتھ کے قریب نامعلوم افراد کی فائرنگ سے موٹرسائکل سوار باپ بیٹی زخمی ہوئے۔ لکی اسٹار میں فائرنگ سے عدالتی اہلکار بشیر جاں بحق ہوگیا۔
