امریکی بحریہ کا ہیلی کاپٹر گر کرتباہ، عملے کے دو اہلکار ہلاک، ایک لاپتہ

واشنگٹن (اے ایف پی)  امریکی بحریہ  کا ہیلی کاپٹر  گر کر تباہ ہو گیا جس  میں دو اہلکار ہلاک جبکہ  ایک لاپتہ ہو گیا۔  جن کی تلاش جاری ہے،  ورجینیا میں امریکی بحریہ  کا ایم ایچ 53 ای  سی ڈریگن  معمول کی تربیتی پرواز پر تھا کہ اچانک  گر کر تباہ ہو گیا۔  نیول  ائر فورسز اٹلانٹک  کے حکام کا کہنا ہے کہ ہیلی کاپٹر  حادثے  میں عملے کے دو اہلکار ہلاک ہوئے ہیں۔  حکام کا کہنا  ہے کہ ایک اہلکار لاپتہ  ہے جس  کی تلاش جاری ہے۔ نیوی  کے دیگر ہیلی کاپٹر اور اہلکار  لاپتہ ہونیوالے  اہلکار کی تلاش میں مصروف ہیں۔  حکام کا کہنا ہے کہ تباہ شدہ  ہیلی کاپٹر کا ملبہ مل گیا ہے۔  دوسری  جانب حادثے  کی تحقیقات  شروع کر دی گئی ہیں۔