جلیل عباسی کی امریکی سینیٹر ڈیان سے ملاقات‘اتحادی سپورٹ فنڈسمیت اہم امور پر تبادلہ خیال

واشنگٹن(نیوز ایجنسیاں) امریکہ میں پاکستان کے سفیر جلیل عباس جیلانی نے واشنگٹن میں سینیٹ کی انٹیلی جنس کمیٹی کی چیئرپرسن ڈیان فینسٹائن سے ملاقات کی۔ملاقات میں اتحادی سپورٹ فنڈز اورافغانستان سمیت باہمی دلچسپی کے امور پر تبادلہ خیال کیا۔  پاکستانی سفیر نے سینیٹر ڈیان کو دونوں ملکوں کے درمیان حالیہ دنوں میں دوطرفہ تعلقات، ملاقاتوں، اعلی ِ حکام کے دوروں اور آئندہ کی ملاقاتوں سے متعلق بریف کیا۔سینیٹرسینیٹر ڈیان فینسٹائن نے پاکستانی کی جمہوری حکومت کے ساتھ کام کرنے اور پاکستانی عوام کو درپیش سکیورٹی اور اقتصادی چیلنجز کے حل میں مدد دینے میں دلچسپی کا اظہار کیا۔پاکستانی سفیر نے امریکی سینیٹر کو پاکستان کی حکومت اور عوام کی جانب سے نیک خواہشات کا پیغام پہنچایااورمل کر کام کرنے کی خواہش کا اظہار کیا۔