ڈایوسس آف رائیونڈ کے زیراہتمام مختلف مذاہب کے تہوار ایک جگہ منانے کی تقریب

لاہور (پ ر) ڈایوسس آف رائیونڈ کے زیراہتمام گذشتہ روز وارث روڈ پر، کرسمس اور گرو گونڈ سنگھ کا جنم دن ایک جگہ پر منانے کا اہتمام کیا۔ اس تقریب کو منانے کا مقصد اس امر کو اجاگر کرنا تھا کہ مختلف مذاہب سے تعلق رکھنے والے لوگ ایک دوسرے کے ساتھ ان کی خوشیوں میں شریک ہوں اور ان میں امن، محبت اور بھائی چارے کو فروغ دیا جائے۔ تقریب میں مولانا طاہر اشرفی، ڈاکٹر کلیان سنگھ، پادری عمانوئیل کھوکھر، ارون کمار، پیر شفاعت رسول، ڈاکٹر عزیزالحق، پنڈت بھگت لعل کھوکھر، فادر ندیم فرانس اور لوگوں نے بھی شرکت کی۔