ہالی وڈ کی سائنس فکشن ایکشن ہارر فلم ”ریزیڈنٹ ایول دی فائنل چیپٹر“ کا ٹریلر جاری کر دیا گیا۔ہدایتکار پال اینڈریوسن کی یہ فلم ’ریزیڈنٹ ایول‘ سیریز سلسلے کی چھٹی کڑی اور آخری فلم ہے جس کی کہانی ایک بار پھر خطرناک وائرس کا شکار ہونے والے افراد کے گِرد گھومتی ہے جو انفیکشن سے محفوظ افراد کو اپنے گروہ میں شامل کرنے کی کوشش کرتے ہیں اور راستے رکاوٹ بننے والے افراد کو جان سے مار دیتے ہیں۔جیریمی بولٹ، رابرٹ کلزر اور پال اینڈرسن کی مشترکہ پروڈیوس کردہ فلم میں مِلا جو ووِچ ، شان رابرٹس، علی لارٹر، روبی روز، ایئن گلین اور ولیئم لیوی شامل ہیں۔ایکشن ایڈونچر اور دہشت سے بھرپور یہ سائنس فکشن فلم اسکرین جیمز پروڈکشن کے تحت جاپان میں ریلیز کی جاچکی ہے اور 27جنوری کو امریکی سنیما گھروں میں نمائش کے لئے پیش کی جائے گی۔