سوشل میڈیا کے ذریعے شہرت پانے والے چائے والا ارشد خان نے شوبز چھوڑنے کی خبروں کی تردید کرتے ہوئے کہا ہے کہ شوبز کی دنیا چھوڑنے کی خبروں میں کوئی صداقت نہیں۔ ان خیالات کا اظہار ارشد خان نے میڈیا سے گفتگو کرتے ہوئے کیا ۔ انہوں نے کہا کہ میرے بارے میں غلط خبریں نشر کی جا رہی ہیں، میں نے شوبز کو خیر باد نہ کہا کچھ دن پہلے مجھے بخار ہو گیا تھا جس کے باعث میں شوبز سے دور رہا۔ تاہم ارشد خان نے کہا ہے کہ میوزک ویڈیو کی وجہ سے اس کے اہلخانہ پریشان ہیں۔ دوسری جانب ارشد خان کے ایک کزن نے کنفرم کیا ہے کہ وہ نئی آنے والی فلم کبیر میں بھی کام کر رہا ہے تاہم اس حوالے سے وہ مزید کچھ نہیں بتا سکتا۔انہوںنے کہا کہ اپنے ملک کیلئے کچھ کرنا چاہتاہوں ، جب وہ کچھ بن جائے گا تو نہ صرف غریبوں کی بہبود کیلئے کام کرے گا بلکہ ایسا کچھ کرنے کی خواہش بھی رکھتا ہے جس سے پاکستان کا نام روشن ہو۔ اس نے اپنے مداحوں کے نام ایک پیغام میں کہا ہے کہ وہ اس کو سپورٹ کریں، انشا اللہ میں ان کے ساتھ رہونگا۔ واضح رہے کہ گزشتہ ہفتے یہ خبریں گردش کر رہی تھیں کہ ارشد خان نے گھر والوں کے دباﺅ پر شوبز کی دنیا کو خیر باد کہہ دیا ہے۔