لاہور (نمائندہ سپورٹس+سپورٹس رپورٹر) پاکستان انڈر 16نے آسٹریلیا انڈر16کو پہلے ون ڈے میچ میں پانچ وکٹوں سے شکست دے کر پانچ میچوں کی سیریز میں ایک صفر کی برتری حاصل کرلی ۔ کینگروز جونیئر ٹیم 170رنز پر ڈھیر ہو گئی ۔چھ کھلاڑی ڈبل فیگر میں بھی داخل نہ ہوسکے ۔ سنیل سات ‘ایس سنگھ دو ‘رادھا کرشنن چوالیس‘سمتھ سترہ ‘ویب دو ‘مکفیڈین اڑتالیس ‘فورڈ صفر ‘مرفی بائیس ‘کک دس اور کوکر چار رنز بناکر آئوٹ ہوئے ۔ سمز ایک رن پر ناٹ آئوٹ رہے ۔ احمد خان اور فیصل اکرم نے تین تین اور عمر ایمان نے دو کھلاڑیوںکو آئوٹ کیا ۔پاکستان جونیئرز نے ہدف پانچ وکٹوں پرپوراکرلیا ۔ حسیب اللہ خان تینتیس ‘علی حسن اکیس ‘سمیر ثاقب پندرہ‘عمر ایمان بیس اور کاشف علی اٹھائیس رنز بناکر آئوٹ ہوئے ۔ زبیر شنواری تیرہ اور اسیر مغل بائیس رنز پر ناقابل شکست رہے ۔ رادھا کرشنن نے دو کھلاڑیوں کو آئوٹ کیا ۔