حبہ (سنہوا) جنوبی سوڈان کی ریاست باہ میں ڈاکوئوں کے حملے میں 42 شہری ہلاک اور 79 زخمی ہو گئے۔ ملزمان 100 مویشی بھی لے گئے۔ حکام کے مطابق حملے دوآچن اور کولابائل کے علاقوں میں کئے گئے گورنر جانسن گونی بلو نے مرے قبائل کی طرف سے غیر انسانی کارروائیوں پر افسوس کا اظہار کرتے ہوئے کہا مقامی شہری محصور ہو کر رہ گئے ہیں۔ انہوں نے کہا ہلاک ہونے والوں میں خواتین اور بچے بھی شامل ہیں۔ سوڈانی حکام نے خواتین اور بچوں پر حملوں کی شدید مذمت کی ہے علاقے میں مویشی چوری، اغوا اور تشدد کے واقعات عام ہیں۔