تمام چیمبر آف کامرس کواعتماد میں لیکر کام کیا جائیگا:نائب صدر ایف پی سی سی آئی

لاہور(کامرس رپورٹر) تجا رت اور صنعت سے متعلق مسائل کے حل کے لیے ٹر یڈ با ڈیز کے اراکین کے ساتھ مکمل تعاون کیا جائے گا۔بہاولپور چیمبر سمیت تمام چیمبرز کو اعتماد میں لے کر کام کیا جائے گا۔ فیڈریشن میں ریسر چ اور ڈویلپمنٹ سے متعلق سر گر میو ں کو بڑھانے کے لیے اقدامات کئے جائیں گے۔ان خیالات کا اظہار فیڈریشن آف پاکستان چیمبرز آف کامرس اینڈ انڈسٹری(ایف پی سی سی آئی)کی نائب صدرو ریجنل چیئرپرسن روحی رضوان نے بہاولپور چیمبر آف کامرس اینڈ انڈسٹری کے صدر جاوید اقبال چوہدری کی قیادت میں بہاولپور چیمبر کے وفد کے ایف پی سی سی آئی لاہور آفس دورے کے موقع پر خطاب کرتے ہوئے کیا۔لاہور چیمبر کے صدر عرفان اقبال شیخ نے کہاکہ بہاولپور چیمبر ایل سی سی آئی کے آر اینڈ ڈی سکیشن سے فائدہ حاصل کرئے،بہاولپور چیمبر کا وفد لاہور چیمبر کا بھی دورہ کرے۔