گاجر سرطان کے موذی مرض پرقابوپانے میں بھی ممدومعاون ثابت ہوتی ہے ،طبی ماہرین

طبی ماہرین نے کئی سالوں کی تحقیق کے بعد اس بات کا دعویٰ کیاہے کہ گاجر کا استعمال نہ صرف کینسر کی گٹھلیاں بننے کے عمل کو روکتاہے بلکہ اس کا مسلسل استعمال سرطان کے موذی مرض پرقابوپانے میں بھی ممدومعاون ثابت ہواہے۔ان خیالات کا اظہارفاضل طب الجراحت‘فزیشن آف ہربل میڈیسن قصورحکیم میاں لیاقت احمدعلی نے کیا۔ انہوں نے بتایا کہ گاجر کے جوس میں وٹامن اے کا بہت بڑا ذخیرہ موجود ہوتاہے جو نہ صرف پیٹ کے کیڑے کوختم کرنے کے لئے مفیدہوتاہے بلکہ اس کے مسلسل استعمال سے استسقاءکے مرض سے بھی چھٹکارا مل جاتاہے۔انہوں نے بتایا کہ گاجرکا روزانہ استعمال آنکھوں کے لئے بہت مفیدہے اور گاجرکے استعمال کرنے سے خون میں اضافہ ہوتاہے اس لئے ہمیں چاہئیے کہ گاجرکو اپنے روزمرہ کے معمول میں شامل کریںتاکہ گاجرکی افادیت سے بھرپورفائدہ اٹھایاجاسکے۔