نوشہرہ ورکاں (نمائندہ نوائے وقت)کوٹ لدھا پولیس نے منشیات فروشوں سے چار کلو سے زائد چرس ڈیڑھ کلو ہیروئن وٹک 1700 روپے اور دو پسٹل 30 بور برآمد کئے ۔تفصیلات کے مطابق ڈی ایس پی چوہدری ہاشم محمود گوجر کی منشیات اور غیر قانونی اسلحہ کے خلاف مہم کے دوران کوٹ لدھا پولیس نے کاروائی کرتے ہوئے رانا محمد اسلم سکنہ ونی سے 1480 گرام چرس جمشید چوکیدار سکنہ پھلوکی سے 1230 گرام چرس شہباز مسیح سکنہ کوٹ لالہ سے 1460 گرام چرس شوکت عرف مولا گوجر سکنہ بگا سے 1600 گرام ہیروئن 1700 روپے وٹک اور پسٹل 30 بور اور ساجد انصاری سکنہ قلعہ دیدار سنگھ سے پسٹل 30 بور برآمد کر کے ملزمان کو گرفتار کر لیا اور ان کے خلاف الگ الگ مقدمات درج کر کے مزید تفتیش شروع کر دی ہے ۔