ایتھوپیا میں تیگرائے کے علاقے میں مہاجرین کیمپ پرفضائی حملے، 56 افراد  ہلاک

ادیس ابابا(اے پی پی)ایتھوپیا کے شمالی خطے تیگرے میں ایک مہاجر بستی پر  فضائی حملہ میں 56 افراد ہلاک اور 30سے زائد زخمی ہو گئے ہیں ۔جرمن نشریاتی ادارے کے مطابق مقامی امدادی کارکنوں نے  فرانسیسی خبررساں ادارے  کو بتایا  کہ تیگرے  کے علاقہ ڈیڈیبٹ قصبے  میں  ایک مہاجر کیمپ پر ہونے والے فضائی حملے کے نتیجے میں عورتوں اور بچوں سمیت 56افراد ہلاک اور 30سے زائد زخمی ہوگئے ہیں۔فرانسیسی خبررساں ادارے نے مزید بتایا کہ ایتھوپیا کی فوج  اور حکومتی ترجمان نے میڈیا سے اس واقعہ کے بارے میں کسی قسم کی کوئی معلومات شئیر نہیں کی ہیں ۔