انگلینڈ ایشز سیریز کا چوتھا ٹیسٹ میچ ڈرا کرنے میں کامیاب 

لاہور(سپورٹس ڈیسک )آسٹریلیا اور انگلینڈ کی کرکٹ ٹیموں کے درمیان ایشز سیریز کا چوتھا ٹیسٹ دلچسپ مقابلے کے بعد ڈرا ہو گیا، عثمان خواجہ میچ کے بہترین پلیئر قرار پائے۔ سڈنی کرکٹ گرائونڈ میں کھیلے گئے ٹیسٹ کے پانچویں اور آخری روز انگلش ٹیم نے 388رنز کے تعاقب میں9وکٹوں کے نقصان پر 270رنز بنائے۔ زیک کرالی 77، بین سٹوکس 60اور جونی بیئرسٹو 41رنز کیساتھ نمایاں رہے۔ حسیب حمید9، ڈیوڈ ملان4، کپتان جو روٹ24، جوز بٹلر11، مارک ووڈ 0 اور جیک لیچ 26 رنز بنا کر آئوٹ ہوئے۔ سکاٹ بولینڈ نے3پیٹ کمنز اور نیتھن لائن نے 2،2وکٹیں حاصل کیں۔ عثمان خواجہ کو دونوں اننگز میں سنچریاں سکور کرنے پر مرد میدان قرار دیا گیا۔ واضح رہے کہ میزبان ٹیم آسٹریلیا کو 5میچوں کی سیریز میںتین صفرکی فیصلہ کن برتری حاصل ہے۔