لندن (آئی این پی)فیفا پسکاس ایوارڈ سال 2021کے لئے گزشتہ سیزن کے تین بہترین گولز کو شارٹ لسٹڈ کر لیا گیا ہے۔نامزدگیوں میں ٹاٹینہم کے لامیلا ، چیک ری پبلک کے شکس اور ایران کے تریمی کے گولز کو نامزدگی کے لئے فائنل تھری میں شامل کر لیا ہے۔ٹاٹینہم کے لامیلا نے گزشتہ مارچ میں انگلش پریمئیر لیگ کے ایک میچ میں آرسنل کے خلاف ایک خوبصورت ریبونا گول کے ذریعے اپنی ٹیم کو 1-2 سے فتح دلائی تھی۔بائر لیورکوسین کے اسٹرائکر شک نے یورو 2020 کے میچ میں گرانڈ کے وسط سے ایک طاقتور کک کے ذریعے گول کر کے اپنی ٹیم کے لئے کامیابی حاصل کی تھی۔فیفا پسکاس ایوارڈ کے لئے ایران کے فارورڈ تریمی کا گول بھی شامل ہے انہوں نے یہ گول پورٹو کی جانب سے چیلسی کے خلاف گزشتہ چمئین لیگ میں کیا تھا۔فیفا پسکاس بہترین گول آف دی ائیر کے فاتح کا اعلان 17 جنوری کو زیورچ میں کیا جائے گا۔امید کی جا رہی ہے کہ لامیلا کے گول کو بہترین گول کا اعزاز مل جائے گا، اس گول کی وڈیو بھی سب سے زیادہ دیکھی گئی تھی۔لامیلا کا یہ گول فٹ بال کی تاریخ میں ریبونا گول کے نام سے جانا جاتا ہے جس میں فٹ بالر مخالف حریف کو چکمہ دینے کے لئے اپنے نیچرل پاں کی جگہ دوسرا پاں استعمال کرتا ہے۔