انگلینڈ سنسنی خیز مقابلے کے بعد سڈنی ٹیسٹ ڈرا کرنے میں کامیاب 

کراچی (اسپورٹس ڈیسک )سڈنی میں  بیٹرز کی بھرپور مزاحمت کی بدولت انگلینڈ ایشز سیریز کا چوتھا ٹیسٹ  ڈرا کرنے میں کامیاب ہو گیا اور آسٹریلیا کا سیریز میں کلین سوئپ کا خواب چکنا چور ہو گیا۔گیارویں نمبر پر کھیلنے والے کھلاڑی جیمز اینڈرسن نے لیگ اسپنر اسٹیو اسمتھ کے آخری اوور کا محتاط انداز سے سامنا کیا، سخت دباؤ میں 388 رنز کے ہدف کے تعاقب میں انگلینڈ نے 9وکٹوں کے نقصان پر270 رنز بنائے۔آسٹریلیا پورے میچ کے دوران کھیل کے ہر شعبے میں حاوی نظرآیا اور میچ میں اپنی دونوں اننگز کو ڈکلیئر کیا۔مین آف دی میچ کا ایوارڈ جیتنے والے بلے باز عثمان خواجہ کو کورونا وائرس کا شکار ہونے والے ٹریوس ہیڈ کی جگہ متبادل کھلاڑی کے طور پر 2 سال سے زائد عرصے کے بعد ٹیم میں شامل کیا گیا تھا اور انہوں نے میچ کی دونوں اننگز میں سنچری اسکور کر کے دھاک بٹھا دی ۔جب اسٹیو اسمتھ کی گیند پر ڈیوڈ وارنر کے ہاتھوں جیک لیچ 26 رنز پر سلپ میں کیچ آؤٹ ہوئے تو ایسا محسوس ہوتا تھا کہ جلد فتح  آسٹریلین ٹیم کے قدم چوم لے گی۔لیکن جیمز اینڈرسن اور اسٹورٹ براڈ پر مشتمل جوڑی نے جرات کا مظاہرہ کرتے ہوئے نے 12 دنوں کے اندر ایشز سیریز 3-0 سے ہارنے کے بعد پریشان مہمان ٹیم کے حوصلے بڑھانے والے فائٹنگ ڈرا کیلیے سخت دباو والے دو کھیل اوور کھیلے۔بین اسٹوکس دوسری اننگز میں 60 رنزبنا کر آؤٹ ہوئے جبکہ پہلی اننگز میں بھی انہوں نے نصف سنچری بنائی تھی اور پہلی اننگز میں سنچری بنانے والے جونی بیئراسٹو 41 رنز بنا کر  آؤٹ ہوئے، جب چائے کے وقفے کے بعد دونوں کھلاڑی آؤٹ ہو گئے تو آسٹریلین ٹیم جیت کے لیے خاصی پرامید تھی لیکن انگلش کھلاڑی بھرپور مزاحمت سے میچ ڈرا کرنے میں کامیاب رہے۔میلبرن ٹیسٹ سے کیریئر کا  آغاز کرنے والے اسکاٹ بولینڈ نے دوسری اننگز میں بھی 3 وکٹیں لیں اور وہ اب تک سیریز میں 8.64 کی اوسط سے 14 وکٹیں لے چکے ہیں۔بیئراسٹو کی جرات مندانہ اننگز جب اختتام کو پہنچی تو 10.4 اوورز کا کھیل باقی تھا اور صرف دو وکٹیں باقی تھیں۔نیتھن لائن نے اسٹوکس کی وکٹ لے کر اہم پیش رفت کی جنہوں نے 123 گیندوں کا سامنا کیا، یہ لائن کی سیریز کی 16ویں وکٹ تھی اور وہ اس وقت سیریز میں سب سے کمایب ا?سٹریلیبن باؤلر ہیں۔ ? پیٹ کمنز نے ایک زبردست ان سوئنگ گیند پر11 رنز بنانے والے جوز بلٹر کو آوٹ کیا۔مارک ووڈ صرف دو گیندوں کا ہی سامنے کر سکے اور پیٹ کمنز کی ایک اور ان سوئنگ گیند کا شکار ہوکر پویلین لوٹ گئے۔براڈ اور اینڈرسن نے   آخری دو اوورز کا ڈٹ کر سامنا کی اور یوں انگلش ٹیم ٹیسٹ ڈرا کرنے میں کامیاب رہی اور اب آسٹریلوی ٹیم 0-5 سے وائٹ واش نہیں کرسکے گی۔