سیاحوں کے ملکہ کوہسار آنے پر پابندی برقرار، مری میں مرکزی شاہراہوں سے برف کو ہٹا دیا گیا، پھسلن کے باعث پیدل چلنا دشوار
مری میں23 افراد کی موت کے بعد ویرانی کے ڈیرے، فضا سوگوار ہے، سیاحوں کے ملکہ کوہسار آنے پر پابندی برقرار ہے جبکہ مری میں مرکزی شاہراہوں سے برف کو ہٹا دیا گیا، تاہم پھسلن کے باعث پیدل چلنا دشوار ہے۔ مری کی تمام سڑکوں سے برف صاف کر دی گئی۔ کلڈنہ باڑیاں روڈ پر پھنسی گاڑیوں کو بھی مالکان کے حوالے کر دیا گیا۔ برفباری کے دوران سیاح گاڑیاں چھوڑ کر ہوٹلوں اور کیمپوں میں چلے گئے تھے۔ سترہ میل کے مقام پر بدستور پولیس اور دیگر اہلکار تعینات ہیں۔ مقامی لوگوں کے سوا کسی کو بھی مری میں داخل ہونے کی اجازت نہیں۔
