لیاقت آباد  رہائشی آبادی میں  قائم چمڑے کے گودام میں آتشزدگی

کراچی(اسٹاف رپورٹر)کراچی وسطی کے علاقے لیاقت آباد کی رہائشی آبادی میں قائم چمڑے کے گودام میں آگ بھڑک اٹھی جسے متعدد فائر بریگیڈ ٹینڈر اور امدادی اداروں کی مدد سے بجھا دیا گیا۔ سینٹرل فائر بریگیڈ آفس کے مطابق لیاقت آباد نمبر 4میں نیرنگ سنیما کی عقبی رہائشی آبادی میں قائم چمڑے کے گودام میں پیرکو دن 11بج کر 35منٹ پر آگ بھڑک اٹھی۔آگ بجھانے کے لیے فائر بریگیڈ کے ناظم آباد اور دیگر سینٹروں سے فائر فائٹرز اور آگ بجھانے والی گاڑیاں موقع پر بھیجی گئیں۔اطلاع ملتے ہی ایدھی فائونڈیشن کے رضا کار بھی موقع پر پہنچ گئے جبکہ پولیس اور رینجرز کو بھی طلب کیا گیا۔آتشزدگی کی وجہ فوری طور پر معلوم نہیں ہو سکی اور نہ ہی اس سے ہونے والے نقصان کا اندازہ لگایا جا سکا ۔