راولپنڈی(جنرل رپورٹر) راولپنڈی کے مشہر تجارتی مرکز نر نکاری بازار میں الیکٹرانک اور ڈیکوریشن کی دوکانوں اور گوداموں میں اتوار کے روز سہہ پہر کے وقت سے لگنے والی آگ کومسلسل 15سے16گھنٹے کی کوششوں کے بعد پیر کی صبح 6بجے قابو پا لیا گیا، کوئی جانی نقصان نہیں ہوا، رپورٹ کے مطابق اتوار کی سہہ سوا تین بجے کے قریب نرنکاری بازار میں الیکٹرانک اور ڈیکوریشن کی دوکان میں اچانک آگ بھڑک اٹھی جس نے دیکھتے ہی دیکھتے دیگر 2اور دوکانوں اور گوداموں کو اپنی لپیٹ میں لے لیا اطلاع ملنے پر ریسکیو1122کی فائربریگیڈ کی گاڑیاں اور عملہ موقع پر پہنچ گیا، آگ کی صورت حال کو دیکھتے ہوئے واسا،کنٹونمنٹ بورڈ اور بحریہ ٹائون سے گاڑیاں منگوائیں گئیں، جنہوں نے سر توڑ کوشش کرکے پیر کی صبح کو آگ پر قابو پالیا۔