بریڈ پٹ نے ہالی ووڈ سے سیمی ریٹائرمنٹ لینے پر غور شروع کردیا

لاہور ( کلچرل ڈیسک) ہالی ووڈ کے معروف اداکار بریڈ پٹ فلم انڈسٹری سے سیمی ریٹائرمنٹ لینے پر غور کر رہے ہیں۔بریڈ پٹ کو حال ہی میں میکسیکو کے ایک تالاب میں نئی گرل فرینڈ انیس ڈی رامون کے ساتھ نیو ایئر مناتے ہوئے دیکھا گیا۔ غیر ملکی میڈیا کی ایک رپورٹ کے مطابق نیو ایئر کے موقع پر اداکار کا اپنی نئی گرل فرینڈ کے ساتھ یہ سفر ہالی ووڈ سے کچھ عرصے کے لیے دوری اختیار کرنے کا منصوبہ تھا۔رپورٹ میں بتایا گیا ہے کہ اداکار کے پلان بی معاہدے کے تحت ان کی سابق اہلیہ، اداکارہ جینیفر اینسٹن کے ساتھ مل کر قائم کی گئی کمپنی کا 60فیصد حصہ فرانسیسی میڈیا کے ایک گروپ کو بیچ دیا گیا ہے۔اداکار اپنی کمپنی کا 60فیصد حصہ بیچنے کے بعد اب ہالی ووڈ سے سیمی ریٹائرمنٹ لینے کے بعد پرامن زندگی گزارنا چاہتے ہیں۔ رپورٹ کے مطابق بریڈ پٹ اب صرف بطور اداکار ہالی ووڈ میں کام کرتے رہیں گے، اس کے علاوہ کسی بھی قسم کے شو بزنس کا حصہ نہیں بنیں گے۔رپورٹ میں بتایا گیا ہے کہ بریڈ پٹ فرانس منتقل ہو رہے ہیں، جہاں وہ وائن یارڈ اور فرنیچر بنانے کے کاروبار پر زیادہ دھیان دینے کے بارے میں سوچ رہے ہیں۔