لاہور(سپورٹس رپورٹر)سابق ٹیسٹ کرکٹر باسط علی کا کہنا ہے کہ ابھی یہ نہیں کہہ سکتے کہ عامر جمال کی صورت میں اچھا آل راؤنڈر مل گیا ہے۔ یہ کہنا قبل از وقت ہوگا کہ ہمیں عامر جمال کی صورت میں عبدالرزاق اور اظہر محمود جیسا آل راؤنڈر مل گیا ہے۔آسٹریلیا سے سیریز میں عامر جمال نے اچھی کارکردگی دکھائی ہے لیکن یہ کہنا کہ ایک اچھا آل راؤنڈر مل گیا قبل از وقت ہوگا۔پاکستان کو چاہیے کہ آسٹریلیا کی طرح ٹیسٹ اور ون ڈے، ٹی 20 کی ٹیم علیحدہ بنائے۔محمد رضوان نمبر ون ہوگئے ہیں، آسٹریلیا کی سیریز سے انھوں نے سرفراز احمد کو پیچھے چھوڑ دیا۔ محمد رضوان باؤنسی وکٹ کا اچھا پلیئر ہے، وہ کٹ اور پل شاٹ اچھا کھیلتے ہیں۔ جہاں بال نیچے آرہی تھی وہاں رضوان کو پرابلم ہورہی تھی۔ رضوان اس سیریز سے نمبر ون تو ہوگئے ہیں مگر جب تک سرفراز احمد ریٹائر نہیں ہوتے وہ ان کیساتھ رہیں گے۔ رضوان نے فاسٹ بائولرز کو بھی عمدہ شاٹس مارے ہیں۔ وہ بڑے دل والے پلیئرز ہیں اس لیے اچھا پرفارم کررہے ہیں۔ٹیسٹ سیریز میں نواز کو طلب کیا گیا تھا تو اسے کھلانا بھی چاہیے تھا۔ ٹیم میں دنوںآف سپنر ساجد خان اور سلمان علی آغا کو کھلایا گیا۔