پریذیڈنٹ ٹرافی: احمد شہزاد‘ایاز‘روحیل ‘معاذ‘شرون ‘حسن کی نصف سنچریاں

(سپورٹس رپورٹر)پریذیڈنٹ ٹرافی کرکٹ ٹورنامنٹ کے پانچویں راؤنڈ کے پہلے دن ایس این جی پی ایل نے ٹاس جیت کر واپڈا کو بیٹنگ دی۔ واپڈا نے مقررہ 80اوورز میں 6 وکٹوں پر 328 رنز بنائے۔ احمد شہزاد نے 77 ‘ ایاز تصور نے 75 رنز بنائے ۔مبصر خان نے3 وکٹیں حاصل کیں۔ایس این جی پی ایل نے کھیل کے اختتام پر بغیر کسی نقصان کے 13 رنز بنائے تھے۔سٹیٹ بینک نے ٹاس جیت کر کے آر ایل کو بیٹنگ دینے کا فیصلہ کیا۔ کے آر ایل کی ٹیم 269 رنز بناکر آؤٹ ہوگئی۔ روحیل نذیر 66، معاذ صداقت 64 اور شرون سراج 55 رنز کیساتھ نمایاں رہے۔رمیز عزیز نے اور زاہد محمود نے تین تین وکٹیں حاصل کیں۔سٹیٹ بینک نے کھیل ختم ہونے پر 28 رنز بنائے تھے اور اس کے 2  کھلاڑی آؤٹ ہوئے تھے۔ ہائر ایجوکیشن کمیشن نے ٹاس جیت کر پی ٹی وی کو بیٹنگ دی جو 52  اوورز کی بیٹنگ میں 216 رنز بناکر آؤٹ ہوگئی۔ حسن محسن نے56 ‘حسن نواز نے 52  رنز کی اننگز کھیلی۔اسد اللہ حمزہ نے4  وکٹیں حاصل کیں۔وکٹ کیپر غازی غوری نے چار کیچز لیے۔ہائر ایجوکیشن کمیشن نے کھیل ختم ہونے پر 3 وکٹوں پر 111 رنز بنائے تھے۔ کپتان محمد حریرہ 41 رنز بناکر آؤٹ ہوئے۔