اے ایس نیچرل سٹون انڈر19 انٹر زونل کرکٹ ٹورنامنٹ‘زون چار نے زون ایک بلوز کو ہرا دیا

لاہور (سپورٹس رپورٹر) ریجنل کر کٹ ایسوسی ایشن کراچی کے زیر اہتمام اے ایس نیچرل سٹون انڈر-19 انٹر زونل کرکٹ ٹورنامنٹ میں  زون چار وائٹس نے زون ایک بلوز کو 226 رنز سے شکست دے کر مسلسل دوسری کامیابی حاصل کرلی۔ زون چار وائٹس نے 298 رنز بنائے۔دانیال خان اور اویس احمد نے 44، 44، رانا اریب نے 35، محمد اویس زاھد نے 34، موسیٰ آزاد اور عبدل رزاق نے 33 ،33 اور محمد اقرار نے 27 رنز بنائے۔ قمبر عباس نے 3 اور ندیم خان نے 2 کھلاڑیوں کو آوٹ کیا۔ زون ایک بلوز 72 رنز بنا کر آوٹ ہوگئی۔لیگ سپنر محمد بلال خان نے8 رنز دیکر 6 کھلاڑیوں کو آوٹ کیا۔