راولپنڈی(جنرل رپورٹر)ڈھوک جمعہ ،ڈھوک کلہور،مبارک لین، ٹاہلی موہری، غوثیہ چوک، گلشن شافی، ڈھیری حسن آباد،تلسہ روڈ ، لالہ زار واردگردکے علاقے گیس کی بندش اورکم پریشر،ملازم پیشہ،طلبہ و طالبات صبح بغیرناشتہ دفاتر،تعلیمی اداروں میں جانے پرمجبورہیں ،گھر گھرلگے کمپریسر وں کیوجہ سے عام صارفین گیس کی بنیادی سہولت سے محروم ہیں محکمہ سوئی گیس کاعملہ تمام ترصورتحال سے واقف ہونے کے باوجود کاروائی کرنے سے گریزاں ہے ،اہلیان علاقہ  ملک طارق محمود ، ملک ماجد محمود،سرور بیگ ، ملک خالد محمود، ظہیر عوان، محمد شفیق ، سلام ہاشمی نے بتایاکہ مذکورہ علاقوں میں کم گیس پریشر اور کمپریسروں کیوجہ سے عام صارفین گیس کی سہولت سے محروم ہیں جس وقت بجلی کی لوڈشیڈنگ ہوتی ہے کمپریسر بند ہوجاتے ہیں اس وقت گیس آنا شرو ع ہوجاتی ہے محکمہ گیس کے حکام اس مسئلے کے حل کیلئے سنجیدگی سے اقدامات اٹھائیں۔