سبزیوں، پھلوں کی قیمتوں میں 50 روپے کلو تک اضافہ، مرغی کا گوشت بھی مہنگا

لاہور (کامرس رپورٹر) لاہور میں گزشتہ ا یک ماہ کے دوران پرچون سطح پر 10 سبزیوں کی قیمت میں 3 روپے سے 50 روپے، 7 پھلوں کی قیمتوں میں 6 روپے سے 50 روپے، مرغی کے گوشت کی قیمت میں 12 روپے اور انڈوں کی قیمت میں 5 روپے فی درجن اضافہ ہوا۔ سرکاری اعداد و شمار کے مطابق ایک کلو ٹماٹر کی قیمت 50 روپے اضافے سے 94 روپے، لہسن چائنہ 5 روپے اضافے سے 85 روپے، ادرک چائنہ 32 روپے اضافے سے 121 روپے، پالک 3 روپے اضافے سے 15 روپے، کھیرا 9 روپے اضافے سے 24 روپے، بند گوبھی 25 روپے اضافے سے 64 روپے، گھیا کدو 4 روپے اضافے سے 21 روپے، مٹر 20 روپے اضافے سے 94 روپے، شملہ مرچ 20 روپے اضافے سے 59 روپے، حلوہ کدو کی قیمت 6 روپے اضافے سے 16 روپے ہو گئی ہے۔ پھلوں میں ایک کلو سیب کی قیمت سفید 6 روپے اضافے سے 70 روپے، سیب امری 10 روپے اضافے سے 84 روپے، سیب کالا کلو پہاڑی 15 روپے ا ضافے سے 139 روپے، کھجور امیل اول 20 روپے اضافے سے 124 روپے، آڑو اول 10 روپے اضافے سے 114 روپے، ا ٓڑو دوم 10 روپے اضافے سے 64 روپے اور ایک کلو الیچی کی قیمت 50 روپے اضافے سے 154 روپے ہو گئی۔