ون ڈے سیریز : پاکستان سری لنکا کے درمیان پہلا مقابلہ کل ہو گا

لاہور(سپورٹس رپورٹر) پاکستان اور سری لنکا کی ٹیموں کے درمیان پانچ ایک روزہ انٹرنیشنل میچوں کی سیریز کا کل ڈمبولا میں کھیلے جانے والے میچ سے ہوگا۔ ٹیسٹ سیریز میں شکست کھانے والے میزبان ٹیم نے ون ڈے میں مضبوط سکواڈ میدان میں اتارنے کے لئے تجربہ کار کھلاڑیوں کو سکواڈ میں شامل کیا ہے جبکہ پاکستان ٹیم کی طرف سے قیادت کے فرائض اظہر علی انجام دینگے۔ 2017ءمیں ہونے والی آئی سی سی چیمپئنز ٹرافی ٹورنامنٹ میں رسائی کے لئے پاکستان ٹیم کو سری لنکا کے خلاف سیریز بھاری مارجن سے جیتنی ہوگی۔ قومی ٹیم کی کپتانی اظہر علی جبکہ سری لنکا کی اینجلو متیھوز کرینگے ۔ پاکستان اور سری لنکا کے درمیان میچ پاکستان کے معیاری وقت کے مطابق صبح ساڑھے نو بجے شروع ہوگا۔