اسلام آباد اور لاہور میں بارش سے موسم خوشگوارہوگیا، آئندہ چوبیس گھنٹوں کے دوران پنجاب۔خیبر پی کے اور سندھ میں گرج چمک کیساتھ مزید بارشوں کی نوید سنائی ہے

اسلام آباد سمیت پنجاب کے مختلف شہروں میں وقفے وقفے سے بارش کا سلسلہ جاری ہے، لاہور کے مختلف علاقوں میں آج صبح رم جھم سے موسم سہانا ہو گیا، محکمہ موسمیات نے آئندہ چوبیس گھنٹوں کے دوران مزید بارشوں کی نوید سنائی ہے،اس دوران اسلام آباد، لاہور،ساہیوال، گوجرانوالہ، سرگودھا ڈویژن، پشاور،کوہاٹ،مالاکنڈ،سکھر ،لاڑکانہ،ڈیرہ اسماعیل خان میں چند مقامات پر تیز ہواؤں اور گرج چمک کیساتھ بارش کا امکان ہے،موسمیاتی ماہرین کے مطابقکراچی میں جزوی طور پر مطلع ابرآلود اور تیز ہوائیں چلنے سے موسم خوشگوار رہے گا، آج حیدرآباد، ملتان اور پشاور میں زیادہ سے زیادہ درجہ حرارت اڑتیس ، کوئٹہ میں سنتیس، لاہور میں چھتیس، کراچی میں چونتیس جبکہ اسلام آباد میں بتیس ڈگری سینٹی گریڈ ریکارڈ کیا گیا