ابھی تک ٹیم مینجمنٹ کے حوالے سے کوئی فیصلہ نہیں کیا گیا ،ہاکی فےڈرےشن

لاہور(سپورٹس رپورٹر) پاکستان ہاکی ٹیم کے منیجر حنیف خان آج بروز پیر کو پاکستان ہاکی فیڈریشن کے صدر خالد سجاد کھوکھر کو ہاکی ورلڈ لیگ میں قومی ٹیم کی کارکردگی رپورٹ پیش کرینگے۔ بریگیڈئر (ر) خالد سجاد کھوکھر منگل کو لاہور میں ٹیم مینجمنٹ کے دیگر ارکان کےساتھ ملکر مستقبل کے لائحہ عمل کا اعلان کرینگے۔ ذرائع نے اس بات کی تصدیق کی ہے کہ ابھی تک ٹیم مینجمنٹ کے حوالے سے کوئی فیصلہ نہیں کیا گیا ہے۔