قومی ہاکی ٹیم کے منیجر حنیف خان آج صدر پی ایچ ایف کو ورلڈ لیگ کی رپورٹ پیش کرینگے

لاہور (سپورٹس رپورٹر) پاکستان ہاکی ٹیم کے منیجر حنیف خان آج بروز پیر کو پاکستان ہاکی فیڈریشن کے صدر خالد سجاد کھوکھر کو ہاکی ورلڈ لیگ میں قومی ٹیم کی کارکردگی رپورٹ پیش کرینگے۔ ذرائع کے مطابق پی ایچ ایف صدر بریگیڈئر (ر) خالد سجاد کھوکھر منگل کو لاہور میں ٹیم مینجمنٹ کے دیگر ارکان کے ساتھ ملکر مستقبل کے لائحہ عمل کا اعلان کرینگے۔ ذرائع نے اس بات کی تصدیق کی ہے کہ ابھی تک ٹیم مینجمنٹ کے حوالے سے کوئی فیصلہ نہیں کیا گیا ہے۔ آج سے شروع ہونے والے ہفتے میں صدر پی ایچ ایف ٹیم آفیشلز اور سابق کھلاڑیوں کے ساتھ ملاقات کر کے مستقبل کا فیصلہ کرینگے۔