لاہور ( خصوصی نامہ نگار)شیعہ علما کونسل پنجاب کے صدر علامہ سید سبطین حیدر سبزواری نے کہا ہے کہ پاراچنار کے شہدا کے خون کو بھولنے نہیں دیں گے، آرمی چیف جنرل قمر جاوید باجوہ کا شہداکے ورثا اور علاقے کے عمائدین سے ملاقات کو خوش آئند سمجھتے ہیں، لیکن وزیر اعظم نواز شریف کی اب تک کی خاموشی سے عوام میں اضطراب اور احساس محرومی پایا جاتا ہے ۔پولیٹیکل ایجنٹ علاقے کا بادشاہ سلامت ہے، جس کے خلاف وہاں کے عوام میں نفرت پائی جاتی ہے۔ انہوںنے کہا کہ وزیر اعظم پورے ملک کا ہوتا ہے، میاں نواز شریف صرف پنجاب کے وزیراعظم بہ بنیں، احمد پور شرقیہ کی طرح پاراچنار کے مظلومین کی بھی داد رسی کریں۔