کینیڈین پاپ سٹار جسٹن بیبر نے امریکی ماڈل ہیلی بالڈ وین سے منگنی کر لی

ٹورنٹو(آن لائن)کینیڈا کے پاپ اسٹار جسٹن بیبر نے امریکی ماڈل ہیلی بالڈ وین سے 'منگنی' کر لی۔ غیر ملکی نشریاتی ادارے کے مطابق امریکی میڈیا کی ایک رپورٹ میں جسٹن بیبر کی منگنی کی تصدیق کی گئی۔نیوز ویب سائٹ ٹی ایم زی کے مطابق 24 سالہ پاپ اسٹار نے بہاماس ریزورٹ میں 21 سالہ ہیلی بالڈ ون کو پروپوزکیا اس موقع پر ان کے سیکیورٹی اسٹاف نے ریسٹورنٹ کے اسٹاف سے اپنے موبائل فون بند رکھنے کوکہا۔ اگرچہ جسٹن اور ہیلی بالڈ و کی طرف سے اس خبر کی باقاعدہ تصدیق نہیں کی گئی تاہم بیبر کے والدین بیٹے کی خوشی آن لائن منا رہے ہیں۔گلوگار کے والد جیریمی نے اپنے بیٹے کی ایک تصویر انسٹاگرام پر شیئر کی اور ساتھ میں لکھا، 'میں ایک نئے باب کے لیے پرجوش ہوں'۔دوسری طرف جسٹن بیبر کی والدہ نے بھی ٹوئٹر پر اپنی خوشی کا اظہار کیا۔ جسٹن بیبر کی منگیتر بالڈ ون نے ٹی وی کے علاوہ کئی شوز، میوزک ویڈیوز اور ماڈلنگ کیمپینز کے لیے کام کیا جسٹن بیبر کا اس سے قبل گلوکارہ و اداکارہ سلینا گومز کے ساتھ بھی تعلق رہ چکا۔