قومی ٹیم 15ویں ایشین کراٹے چیمپئن شپ کیلئے آج اردن روانہ ہو گی

لاہور(سپورٹس رپورٹر) پاکستان کراٹے ٹیم 15 ویں ایشین کراٹے چیمپئن شپ میں شرکت کے لیے آج اردن روانہ ہوگی۔ چیمپئن شپ میں پاکستان کے سات کھلاڑی شریک ہونگے جن میں سعدی عباس (75 کلو گرام)، نصیر احمد (67 کلو گرام)، ظفر اقبال (60 کلو گرام)، محمد کاشف (55 کلو گرام)، اسرار الحق (انفرادی کاتا)، کلثوم (منفی 68 کلو گرام)، قراۃ العین (68 پلس کلو گرام) شامل ہیں۔ شاہ محمد ٹیم کے ساتھ کوچ و منیجر روانہ ہونگے۔انٹرنیشنل ریفری نسیم قریشی بھی ٹیم کے ساتھ ریفری کے طور پر اپنی خدمات فراہم کرنے کے لیے جائیں گے۔ پاکستان کراٹے فیڈریشن کے چیئرمین محمد جہانگیر کا کہنا ہے کہ امید ہے کہ سعدی عباس ایشین چیمپئن شپ میں شاندار کارکردگی دکھائیں گے جبکہ دیگر کھلاڑیوں سے بھی امید ہے کہ وہ اچھی کارکردگی دکھائیں گے۔