فیروزوالہ (نامہ نگار )جی ٹی روڈ پرٹریفک حادثات میں تین افراد ہلاک اورچارزخمی ہوگئے۔بتایاگیاہے کہ السعید چوک سگیاں کے قریب کوسٹر نے فیکٹری ملازم موٹرسائیکل سوار نوجوان محمدعظیم کو روند ڈالا جو جاں بحق ہوگیاڈرائیورگاڑی سمیت فرارہوگیا۔شاہدرہ کے قریب تیزرفتارویگن نے موٹرسائیکل سواروں کو روندڈالا۔منصور احمدجاں بحق جبکہ لڑکی شدید زخمی ہوگئی جسے ہسپتال داخل کرادیاگیا۔کالاخطائی روڈ پر تیزرفتار رکشہ الٹنے سے چارافراد زخمی ہوگئے۔شاہدرہ میں روڈ کراس کرتے ہو ئے طالبہ موٹر سائیکل سے ٹکرا گئی جو زخموں کی تاب نہ لاتے ہوئے موقع پر دم توڑ گئی، طالبہ کی شناخت ارحہ کے نام سے ہوئی ہے جبکہ موٹر سائیکل سوار موقع سے فرار ہوگیا۔