ا لحمراء حج سکیم کے تحت منتخب ہونیوالے دوملازمین حج کیلئے روانہ ہوگئے

لاہور(کلچرل رپورٹر)لاہور آرٹس کونسل کی طرف سے ا لحمراء حج سکیم کے تحت منتخب ہونے والے دوالحمرا ملازمین حج کیلئے روانہ ہو گئے۔ملازمین میں گیلری اٹینڈ نٹ فیصل رفیق اور اسٹیج ایڈ بلال باجوہ شامل ہیں۔رواں سال چیئرمین الحمراء توقیر ناصر اور ایگزیکٹوڈائریکٹر الحمرا ء اطہر علی خان کی موجودگی میں قرعہ اندازی کی گئی تھی۔ ایگزیکٹوڈائریکٹرالحمراء اطہر علی خان نے اس حوالے سے کہا کہ گزشتہ دوبرسوں سے الحمراء اپنے خرچ پر ملازمین کو حج بیت اللہ کی سعادت کیلئے قرعہ اندازی کے ذریعے منتخب کررہا ہے،آئندہ بھی اس نیک کام کو جاری رکھا جائے گا۔ انہوںنے حج پر جانے والے ملازمین کے لئے نیک خواہشات کا اظہار کیا۔