سوات، شیرپلم مٹہ میں سیاحوںکی گاڑی کو حادثہ، 6 افراد زخمی

سوات (نامہ نگار)سوات کے علاقے شیرپلم مٹہ میں سیاحوںکی گاڑی کو حادثہ، چار خواتین اور بچوں سمیت چھ افراد زخمی ہوگئے، تمام زخمی ہسپتال منتقل کردئے گئے، پولیس ذرائع کے مطابق گزشتہ روز تحصیل مٹہ کے علاقے شیر پلم میں سوات کی سیر کیلئے آنے والے سیاحوںکی گاڑی مخالف سمت سے آنے والی سوزوکی گاڑی سے ٹکراگئی جس کی وجہ سے دونوں گاڑیوں میں سوار خواتین اور بچوں سمیت 6 افراد شدید زخمی ہوگئے ہیں، واقعہ کی اطلاع ملنے پر ریسکیو 1122 کے اہلکاروں نے پہنچ کر مقامی لوگوں کی مدد سے تمام زخمیوں کو ہسپتال منتقل کیا جہاں پر انہیں طبی امداد فراہم کی جارہی ہے ۔