دنیاپور ( نامہ نگار) جیل مینوئل میں بڑی حد تک تبدیلیاں آ چکی ہیں، قیدیوں کے ساتھ ناروا سلوک ماضی کے قصے ہیں، جیل ملازمین کی تنخواہوں اسکیل اپ گریڈیشن کے لئے سمری تیار کی جارہی ہے صحافیوں کے مسائل حل کے َلئے ان کی ہر ممکن مدد کرنے کو تیار ہیں ان خیالات کا اظہار صوبائی وزیر جیل خانہ جات چوہدری زوار حسین وڑائچ نے آئی جی جیل خانہ جات مرزا شاہد سلیم بیگ کے ہمراہ ساہیوال کی سنٹرل و ہائی سکیورٹی جیلوں کے دورے کے بعد صحافتی تنظیم کے راہنماؤں عابد حسین مغل اور مہر ساجد علی سے گفتگو کرتے ہوئے کیا انہوں نے کہا کہ وزیر اعلیٰ عثمان بزدار کی ہدایت پر وہ جیلوں کے خصوصی دورے کررہے ہیں تاکہ جیل میں قیدیوں کو سہولیات کی فراہمی اور جیل ملازمین کے مسائل کے حل کے لئے عملی اقدامات کئے جا سکیں۔ انہوں نے مزید کہا کہ قیدیوں کو طبی سہولیات کی فراہمی پر بھی خصوصی توجہ دی جارہی ہے۔