لاہور( خصوصی نامہ نگار )متروکہ وقف املاک بورڈ میں متعدد افسران کے تبادلے کے احکامات جاری کر دیئے گئے۔نوٹیفکیشن کے مطابق اسسٹنٹ ایڈمنسٹریٹر سمیرا رضوی کو اسسٹنٹ ایڈمنسٹریٹر لیگل IIلاہور سے سرگودھا، اسسٹنٹ ایڈمنسٹریٹر طاہر سعید کو بہاولپور آفس سے اسسٹنٹ ایڈمنسٹریٹر لیگل II لاہور، سپرنٹنڈنٹ عامر رحیم شیخ کو اسسٹنٹ ایڈمنسٹریٹر سرگودھا آفس سے ایڈمنسٹریشن برانچ لاہور رپورٹ کرنے  کی ہدایت کی گئی ہے  جبکہ اسسٹنٹ انسپکٹر سلامت علی کو ملتان سے بہاولپور،اسسٹنٹ انسپکٹر فلک شیر چٹھہ کو گوجرانوالہ سے ایڈمنسٹریشن برانچ لاہور رپورٹ کرنے کے لیے کہا گیا ہے۔اسسٹنٹ انسپکٹر عاطف حمید کو گوجرانوالہ آفس سے زونل آفس گوجرانوالہ اور زوار شاہ پٹواری کا تبادلہ حسن ابدال سے پشاور کر دیا گیا ہے۔