قربانی کے جانوروں کی آلائشیں کھلے عام نہ پھینکیں،آر ڈبلیو ایم سی

راولپنڈی ( سٹی رپورٹر)  راولپنڈی ویسٹ مینجمنٹ کمپنی کی  کمیونیکیشن ٹیم نے یوسی 46کی چائنہ مارکیٹ میں پری عیدصفائی آگاہی مہم کے دوران دکانداروں اورخریداروں کو جانوروں کی آلائشیں کھلے عام نہ پھینکنے کی ہدایت کی، عید کے دنوں میں کمپنی کی جانب سے دئیے گئے ویسٹ بیگز میں آلائشیں ڈال کر سینٹری ورکرز یا کمپنی کی مخصو ص لوڈرز کے حوالے کر دیں،مہم کا مقصدتاجروں کو عیدِ قرباں کے موقع پر صفائی سے متعلق آگاہی دینا تھا۔دکانداروں سے اپیل کی گئی کہ اپنے گاہکوں کو بھی عید الاضحی کے موقع پر صفائی سے متعلق آگاہ کریں اور آرڈبلیو ایم سی  سے تعاون کرتے ہوئے اپنے ارد گرد کے ماحول کو صاف ستھرا رکھنے کی کوشش کریں۔ کوڑا کرکٹ  جگہ جگہ پھینکنے کی بجائے کمپنی کے رکھے گئے کنٹینرز میں ڈالیں۔ٹیم کی جانب سے دکانداروں میں ویسٹ بیگز اورآگاہی پمفلٹس بھی تقسیم کیے گئے۔ عیدِقرباں کے موقع پرخصوصی بایوڈی گریڈیبل ویسٹ بیگزبھی بنوائے گئے ہیں اور گھر گھر تقسیم بھی کئے جا رہے ہیں۔