عید الاضحی سنت ابراہیمی کی یاد تازہ کرتی ہے: سردار عبدالرحمن

 جکھڑ (نامہ نگار) کمالیہ کی سیاسی وسماجی شخصیات جنرل سیکرٹری کمالیہ بار سردار عبدالرحمن ڈوگر ایڈووکیٹ، سابق جنرل سیکرٹری کمالیہ بار رانا طارق جاوید ایڈووکیٹ، امین چوہدری، عبدالحنان چوہدری، چوہدری اے ڈی جٹ، قاری سعید نے کہا ہے کہ عید الاضحی سنت ابراہیمی کی یاد تازہ کرتی ہے۔ ایثار احساس اور خدا کے حکم کی تعمیل میں عزیز ترین شے بھی قربان کردینے کا نام سنت ابراہیمی ہے۔ عیدالاضحی کے حقیقی مقصد کو پورا کرنے کیلئے اس مشکل ترین دور میں بے بس و نادار انسانوں کی دل کھول کر مدد کریں۔ خلق خدا کی دلجوئی اور مشکلات کے تدارک کیلئے مدد ہی حقیقی خوشنودی خداوندی ہو سکتی ہے۔ بھوک غربت اور نامساعد سے دو چار مفلس گھرانوں کی مدد کر کے خدا کی رحمت کے دروازے کھولیں۔ اللہ رب اللعالمین کی رضا اسی میں ہے کہ خلق خدا کی مسیحائی اور دلجوئی کی جائے۔