گوجرانوالہ(نمائندہ خصوصی)خلیفہ سوم حضرت سیدنا عثمان غنی ایثار وقربانی کا پیکر تھے،حضور نبی کریم ﷺ نے متعدد بار حضرت سیدنا عثمان غنی کو جنتی ہونے کی بشارت دی اسلام اور مسلمانوں کیلئے آپ کی قربانیوں پر تاریخ اسلام فخر کرتی رہے گی ان خیالات کا اظہار مقررین نے الحاج محمد اسلم سیالوی اور محمد اکرم چشتی سیالوی کی رہائش گاہ پر حضرت عثمان غنی کی یاد میں منعقدہ ایک تقریب سے خطاب کرتے ہوئے کیا۔اس موقع پر صوفی محمد افتخار مجددی، محمد اقبال نوشاہی، حاجی محمد اشرف سیالوی ودیگر نے بھی خطاب کیا، مقررین نے حضور سیدنا عثمان غنی کی شہادت کو انتہائی دردناک و ناقابل فراموش قرار دیا اور آپ کی خدمات پر شاندار الفاظ میں خراج عقیدت پیش کیا۔